Книга за девојчиња со повеќе од 1000 налепници

Станува збор за две сликовници кои концепциски се исти, но елементите, боите и содржините се осмислени така што едната е наменета за девојчиња, а другата, за момчиња. Овие сликовници се со голем формат што им овозможува на децата сами да си ги креираат страниците според зададената тема. Бидејќи замислата на авторот била што повеќе да извлече од детето, опфатени се различни теми, форми, бои, бројки, поврзувања, дополнувања, цртање и секако, лепење лепенки. Со лепенките дечињата имаат можност да ја заокружат приказната на секоја страница. Цртежите се впечатливи, елементите се лесно воочливи, просторот за лепење доволно голем за детето само да донесе одлука што ќе залепи на соодветната страница. Изборот на лепенки е толку голем што нивната бројка достигнува 1000.