Чекор по чекор - воспитување деца од 3 до 7 години

Концепција за развојните потреби на детето, правата на детето и неговата индивидуалност е полесно да се промовира отколку конкретно да се разработи и практично да се реализира. Оваа книга го прави токму тоа и нуди програма за активности на децата и тоа активности кои ги изразуваат нужните потреби на детето: сознајни, социјални, комуникациски, експресивни, потребите за движење, игра, споделување и креирање. Оваа книга на децата им нуди и приказни за авантурите на растењето, бројалки, игри, песни - сѐ она што детето го поттикнува моторички, емоционално, интелектуално, социјално и она што го сочинува заедништвото помеѓу возрасните и децата.Оваа книга е богата ризница на активности и игри за деца, за воспитувачи - значајните партнери на децата во растењето и развојот, а воедно е и лесно употреблив прирачник за секојдневна работа.