Роман Под површината

Зејн Бигелоу пораснал во убава, совршено одржувана куќа во планините Блу Риџ во Северна Каролина. Туѓинци, па дури и неговата родена тетка која живее преку езерото, ги гледаат неговите родители како успешен хирург и неговата елегантна сопруга, кои секогаш присуствуваат на балетските рецитали и на натпреварите по бејзбол на своите деца. Вистината ја знаат само Зејн и сестра му сè додека, по една брутална ноќ, конечно на виделина не излегуваат пукнатините од таа фасада, по што Зејн бега да студира на колеџ и не ни помислува да се осврне... Години подоцна, Зејн се враќа во родното место, решен и покрај болните сеќавања одново да се поврзе со таа средина и со луѓето кои многу му значат. Повторно започнува да живее во тоа живописно гратче и се запознава со талентирана дизајнерка на екстериери по име Дарби, која и самата бега од свои духови.