РОМАН ШТО ПОСАКУВААТ ЖЕНИТЕ

Книгата „Што посакуваат жените“ настана како одговор на бројните писма во коишто читателките со децении ми се исповедаа и бараа одговори на прашањата за љубовта, страста, бракот, сексот, среќата и сето она што се премолчува. Ми се исповедаа зашто знаеја дека за мене нема забранети теми... По седум години образование ги пронајдов одговорите на прашањата за смислата на оваа вечна љубовна игра помеѓу мажот и жената, а пронајдов и сознанија сосем спротивни на оние за коишто нѐ учеа... Наоружана со нови искуства и техники, одново во сите тие писма се соочив со истите вечни прашања и дилеми, но сега не само како жена којашто ги рушеше табуата и го кажуваше она што другите не смееја туку и професионално, како сертифициран терапевт, којшто без цензура дава нови одговори на прашањето што навистина посакуваат жените.