Кристална планета

Во животот не е сè како во приказните, но во приказните е сè како во животот. Ова ѝ се случи на една Катерина кога го заврши четвртото одделение. Оттогаш врската со Верна е во прекин. Некој може да помисли оти до прекинот дошло поради бунт на Кахалите, или избувнала нова војна со безобразните и жестоките Каратонци. Но Катерина и Јана цврсто веруваат дека Зена еден убав ден сепак ќе им се јави, било на едната, било на другата. Затоа тие се се неразделни другарки. А мене ми го рекоа и ова: следниот пат, ако дојде до уште едно патување на Верна – одат двете.